Ir al contenido principal

Entradas

Mostrando entradas de marzo, 2010

O lanzo da cruz, unha tradición pascual, referencia da cultura miñota

A inmediata celebración da Semana Santa posue na nosa cidade e a súa comarca unha ampla tradición, moi arraigada, e que a ten recollida amplamente o cronista oficial de Tui, Ernesto Iglesias Almeida, no traballo dedicado á nosa cidade nos volumes recentemente editados pola editorial Hercules, na súa obra “A semana santa en Galicia”. Tamén en Tudensia no pasado ano, no mes de marzo, nos ocupamos dalgunhas das páxinas máis tradicionais da semana de pasión tudense (http://tudensia.blogspot.com/2009/03/tradicion-na-semana-santa-tudense.html).
Agora recuperamos un pequeno artigo xornalístico dun egrexio escritor tudense –a quen temos recurrido noutras oportunidades – que nos descrebe diversas tradicións tudenses vencelladas a estas datas e que o autor rememora de xeito excelente.
No seu escrito Emilio Álvarez Blázquez referencia unha tradición inmediata ás celebracións das Pascua e que ten por escenario a freguesia de Cristelo-Covo, na ribeira portuguesa, e a veciña parroquia d…

Centenario en Tui da primeira festa da árbore de Galicia

Realizando a plantación
Autoridades e público asistente

Foi un 5 de abril de 1910, ao día seguinte da consagración episcopal de Manuel Lago González, na nosa Catedral, como novo bispo de Osma cando no Paseo de Murcia, actual Alameda, os tudenses celebraron, por vez primeira en Galicia, este acontecemento de propaganda forestal que tivo na figura do enxeñeiro de montes, Rafael Areses Vidal, ao seu principal impulsor.A festa da árbore, que conta cun precedente en Mondoñedo no século XVI, nace en Estado Unidos, no estado de Nebraska que celebra o 10 de abril de 1872 o Arbor Day coa plantación dun millón de árbores. O éxito desta iniciativa mídese na súa difusión naquela nación e de seguido noutros lugares do mundo.Eduardo Rico Boquete estudioso deste tema sinala que “os obxectivos desta festa céntranse na protección e fomento do arborado a partir da toma en consideración da utilidade e beneficios que os bosques prestan á sociedade. A súa orientación educativa e divulgadora fai que diríxase…

Guillarei - Tui, etapa da ruta de salvación de xudios de Eduardo Martínez Alonso

A recente publicación do libro de Patricia Martínez Vicente, “La clave Embassy”, trae de novo a actualidade a xesta do médico vigués Eduardo Martínez Alonso que artellou unha rede para rescatar do campo de concentración de Miranda de Ebro a numerosos polacos e xudíos que fuxian da barbarie nazí. Esta rede tiña en Tui, concremante en Guillarei, unha etapa decisiva para cruzar o Miño cara a Lisboa. A axuda de xentes de Tui, o propio Martínez Alonso cita á “familia Alén”, é un motivo de orgullo para todos nós que hoxe, logo de sesenta ano, coñecemos esta arriscada acción humanitaria na que a nosa cidade tivo o seu papel certamente importante.O pasado lúns a periodista Agatha de Santos publicada na última páxina de “Faro de Vigo” unha reportaxe sobre esta obra ilustrada cun dos croquis conservados no que se descrebe o paso do Miño pola parroquia de Guillarei. Polo seu interese recollemos en Tudensia esta nova referencia á actividade do médico vigués Martínez AlonsoUna ruta gallega de salv…

Abonda de pintadas

Dende hai unhas semanas viña preparando o texto desta nova entrada no blogue sobre problemática das pintadas que con crecente intensidade afecta ao noso conxunto patrimonial. E comezaba co seguinte párrafo: Moitas cidades históricas teñen unha problemática similar á que estamos vivindo no conxunto monumental tudense por mor das innumerables pintadas que degradan os nosos monumentos. Agás a Catedral poucos espazos da zona vella tudense están libres de pintadas que afean e deterioran, non só na súa apariencia, o noso principal recurso, o noso patrimonio.Por desgraza esta afirmación respecto da Catedral temos de rectificala, na noite do pasado domingo o seu pórtico gótico viuse tamén afectado por esta barbarie, como poden comprobar os lectores na seguinte fotografía.


Calquera que faga un pequeno percorrido pola zona vella tudense comprobará como innumerables lugares deste conxunto monumental creado polos nosos devanceiros como lugar de convivencia, de socialización, de vida colectiva exper…