O tudense Álvaro de Cadaval segue sendo un gran descoñecido na súa cidade natal, aínda cando para autores como Ramón Otero Pedrayo constitúe o mais egrexio representante do Renacemento en Galicia. Xa en 1852 Francisco Ávila y la Cueva escribía: " este esclarecido varón habiendo escrito y publicado obras latinas en prosa y en verso ha tenido la desgracia de no ser conocido entre los nuestros " [i] . Como mostra diremos que na fachada da actual Facultade de Xeografía e Historia, antiga sede central da Universidade, na ampliación que se realiza a finais do século XIX foron colocadas no frontis catro estatuas monumentais dos benfeitores e promotores da Universidade compostelá: Lope Gómez de Marzoa, Juan de Ulloa, o conde de Monterrey –VI Conde, Manuel de Acevedo y Zúñiga- e Álvaro de Cadaval [ii] . Poucos tudenses, mesmo os que estudamos naquela facultade, tiñamos conciencia da presenza deste senlleiro persoeiro naquel destacado lugar. Xa no ano 2014 en Tudensia abordamos a fi...
O pasado venres, 29 de agosto, na sección de opinión do xornal “Faro de Vigo” foi publicada unha columna ou artigo asinado Bernard Duran, avogado de diplomático, que colabora habitualmente nesta sección do periódico vigués. Algunhas afirmacións incluídas neste artigo sobre a figura de Rosendo Salvado resultan tan inxustas ao reiterar o manido estereotipo sobre a figura de Salvado e a presenza do eucalipto en Galicia, que me levou a preparar unha columna non tanto de réplica ao contido do artigo senón reparadora do descoñecemento no que segue sumida a traxectoria de Rosendo Salvado. Enviada ao “Faro de Vigo” naquela mesma xornada non foi merecente da atención dos responsable da diario da cidade olívica, polo que aproveito este blog e a paciencia dos seus seguidores para publicar esta columna e que deste humilde xeito reparar minimamente as inxustas afirmacións atribuídas a Salvado na expresada columna de opinión de Bernard Durán. Deseucaliptizar a Fr. Rosendo Salvado ...