Esta mesma semana
publicabamos en Tudensia, nesta serie de posts diarios namentras dura o
confinamento, unha entrada titulada “Aventureros tudenses” que recollía os nomes dos
primeiros tudenses que embarcaron para as Indias e outra serie de
nomes de persoeiros que realizaron algunha acción en terras lonxanas.
Imaxe petrea de San Domingos de Guzmán, circa 1400-1425
Igrexa de San Domingos de Tui
Publicamos hoxe
algunhas notas sobre un frade dominico tudense, José Benito Noval, do século
XVIII que desenvolveu o seu labor apostólico no extremo oriente, en China.
Xunto a Fr. Antonio de San Buenaventura, franciscano tudense martirizado en
Xapón en 1628 (ver: http://tudensia.blogspot.com/2008/11/frei-antonio-de-san-buenaventura-un.html
) son dous exemplos de misioneiros tudenses naquelas afastadas terras e que
merecen ser coñecidos na actualidade.
Para contextualizar a
presenza do P. José Noval en China realizamos unha pequena aproximación á
presenza no imperio chino da Orde fundada por San Domingos de Guzmán, e
presente en Tui dende o século XIII aos poucos anos da morte doutro dominicio,
San Telmo.
Antes da entrada na
China do primeiro misioneiro dominicano Anxo Cocchi entre o ano 1631 e 1632, os
misioneiros españois xa levaban máis de medio século expandindo as súas
influencias en Asia. Non se debe esquecer que os primeiros españois chegaron ás
Filipinas no ano 1521 baixo o mando do entón explorador e navegante Fernando de
Magallanes. No ano 1587 supón o
establecemento da cidade Manila polos españois e a chegada dos primeiros
misioneiros dominicanos españois. Os dominicos en Filipinas dedicaran especial
atención ás comunidades chinas alí asentadas, que procedían maioritariamente da
zona de Fujian. Amais das atencións pastorais os dominicos desenvolveron unha
importante actividade intelectual propia do seu carisma: redactan libro en
chino, traducións chino-español e viceversa e crean manuais de gramática china
e dicionarios.
Sen embargo, eran os
membros da Compañía de Xesús os que protagonizaron, en exclusiva ata 1633, os
avances do cristianismo en Extremo Oriente con especial incidencia en Xapón e
China. A bula Ex debito pastoralis
officii do Papa Urbano VIII abría o imperio chino ás órdenes mendicantes,
finalizando o privilexio xesuíta.
Misioneiros xesuitas en China, sec. XVII
No ano 1626, despois
dunha longa preparación, o entón vicerrei das Filipinas, Don Fernando de Silva
mandou unha expedición xunto con cinco misioneiros dominicanos rumbo a Taiwan
(ou illa Fermosa para os españois) e estableceu unha colonia no norte da illa.
Desta forma, os misioneiros dominicanos chegaron a estender a súa área de evanxelización
desde Manila até Taiwan onde xeograficamente servíase como punto de salto para
a China, concretamente, á provincia Fujian de China. De feito, a ruta de
Manila-Taiwan-Fujian converteuse na premisa da entrada dos misioneiros
dominicanos na China, onde os xesuítas xa levaban algunhas décadas de presenza.
O primeiro dominico en
establecerse en China será, como xa citamos, Angel Cochi, cunha peripecia ben
interesante no ano 1632. Chegan por vontade propia sen compañía de soldados e
cos coñecemento da lingua e cultura china adquiridos previamente. Os dominicos
se establecen na provincia de Fujian, ao sur de Pekin, e serán sempre un número
moi cativo (en 1664 eran 21), con grandes dificultades, e con periódicas
persecucións (1724, 1746 e 1755) e alternativamente tempos de permisividade
(1735 e anos posteriores). Sirva este contexto histórico para situar a presenza
do frade dominico tudense, José Noval, na China na primeira metade do século
XVIII.
José Benito Noval naceu
en Tui no ano 1711, descoñecendo se a súa vocación relixiosa está ligada ao
convento dominico de Tui porque o certo é que ingresa na Orde de San Domingos
no convento de San Pablo de Valladolid.
Detalle convento de San Domingos - Gravado da Ilustración Española, sec. XIX
Fr. Aureliano Pardo
escribe: “hombre pequeño de cuerpo pero grande de espíritu (...) de ingenio
muy despierto y muy aplicado al estudio, unía a su clara inteligencia una gran
fluidez de palabra, mereciendo ser elegido colegial de San Gregorio de
Valladolid, donde concluyó sus estudios con mucho lucimiento”.
Pese a estas boas
expectativas académicas solicitou a súa incorporación ás Misións do Extremo
Oriente, embarcando con rumbo ás illas Filipinas en 1736. “Durante la
travesía ejerció el cargo de lector de Filosofía de sus compañeros de misión, y
al llegar a Manila, se le nombró catedrático de la misma asignatura en la
Universidad, hasta que se le destinó con fecha 8 de noviembre de 1737 a
evangelizar China, a donde llegó el 21 de junio del año siguiente,
desembarcando en el puerto de Moyang na provincia de Fujian. Polas datas
que se sinalan o noso frade tudense non tivo excesivo tempo para formarse no
coñecemento do chino e a cultura daquel imperio.
O propio relato que
seguimos do P. Aureliano Pardo sinala o celo apostólico de Fr. José Benito
Noval. Estes frades vivían da acollida proporcionada polos poucos cristián alí
existentes, das esmolas ou do traballo: en una ocasión prestóse a servir de
criado o mozo de carga a un mercader, a fin de poder insinuarse mejor en su
ánimo con el trato cotidiano para conquistarle en unión de su familia a la
religión cristiana; cargando muchas veces con enormes pesos, muy superiores a
sus fuerzas, pero no sentía la carga ante la perspectiva de ganar aquellas
almas (...) A su amor y solicitud paternal correspondían los fieles llamándole
el santo padre José, cuyo nombre chino era “Go”.
Un compañeiro na misión,
que estaría formada por media ducia de frades como máximo, Fr. Juan de Alcóver,
recolle nunha carta como era a misión: entre los frailes tenemos que cuidar
de más de dos mil cristianos repartidos en diez y seis pueblos, distantes unos
de otros á legua, á dos leguas, tres. Quatro, cinco y seis. No permite este
emperador, llamado Kienlung, misioneros en su Imperio, y así tenemos que andar
ocultos en las casas de los cristianos, por que si cogen a algun misionero lo
llevan desterrado a Macao. En todos los pueblos tenemos Beatas de la Orden para
que enseñen la Doctrina á mugeres y muchachos, y ellas asisten quando muere
alguna muger, son muy recogidas y observantes, maytines á media noche, ayunos,
etc
Continuamos co relato
haxiográfico que o P. Aureliano Pardo tomou dunha carta do confesor do frade
tudense que envía ao colexio de San Gregorio de Valladolid de onde partira á
súa misión: Quiso el Señor manifestar la santidad de la vida y apostolado de
su siervo, obrando varios prodigios por su mediación; y cuando se acercaba la
hora del premio y del descanso, el reveló el día de su muerte; asi que no hizo
caso el santo misionero de la grave enfermedad que el aquejaba y agotaba sus
fuerzas (...) hasta el antepenúltimo día de su muerte. Y habiéndole exigido su
confesor que declarase por que no había mirado más por su salud en aquellos
días, como él le tenía encargado, contestó con lagrimas y sollozos: que no lo
había hecho porque sabía de cierto que en tal día (el mismo en que murió)
habría de comparecer ante el tribunal
divino para purgar sus grandes culpas.
Faleceu o 15 de marzo
de 1744 na misión e poboado de Ki-Tung, acompañado polos PP. Francisco Serrano
e Francisco Díaz (logo martirizados naquelas terras): Divulgada su santa
muerte por toda la Misión, acudió el pueblo cristiano en masa a venerar su
cadáver, con tales demostraciones de duelo, que dichos padres Serrano y Díaz
tuvieron mucho que hacer para poder consolar a aquellas pobres gentes que (...)
para demostrarle su grande y profunda veneración, invirtierion más de
doscientos pesos en las solemnísimas exequias que celebraron en su honor.
Sirvan pois estas liñas
para recuperar o nome de Fr. José Benito Noval, O.P. para a nosa memoria local
como un “aventureiro” tudense evanxelizador naquelas terras do extremo oriente.
Comentarios
Publicar un comentario